【六個裝飾技巧 拉高樓底空間】香港地吋金呎土，居住環境狹窄，容易令人感覺壓迫，喺屋企想放鬆下都好困難？教你善用六個裝飾小技巧，令小空間睇起嚟更高、更有開闊感！● 使用矮身／貼地傢俱傢俱離地面越近，為傢俱同天花板之間創造更多空間，營造距離錯覺。● 運用長形鏡鏡係製造空間放大感嘅最佳方法，如果將鏡子垂直放置，可以令單位有向上拉高嘅感覺。● 掛長窗簾就算唔係落地玻璃窗，都可以利用長至地板嘅窗簾，令窗戶視覺上比實際更大，達至有延伸嘅效果。● 牆壁與天花板同色如果牆壁同天花板係強烈對比色，會令單位望落更壓迫。用偏淡嘅同一顏色會令樓底有延伸嘅效果。● 使用座地燈掛燈會令天花板感覺更低，使用座地燈就唔會有空間壓縮嘅作用。● 大膽嘅地毯用色鮮豔、引起注目嘅地毯，可以將焦點保持喺地面，分散對天花板高度嘅注意。